ಧರ್ಮಪಿತ ಬಸವಣ್ಣನವರನ್ನು ಏಕವಚನದಲ್ಲಿ ಸಂಬೋಧಿಸುವುದು ಸಲ್ಲದು

 ಧರ್ಮಪಿತ ಬಸವಣ್ಣನವರನ್ನು

ಏಕವಚನದಲ್ಲಿ ಸಂಬೋಧಿಸುವುದು ಸಲ್ಲದು

ಅನೇಕರು ಧರ್ಮಗುರು ಬಸವಣ್ಣನವರಿಗೆ ಬಸವಣ್ಣ ಎಂದು ಏಕವಚನದಲ್ಲಿ "ಅವ"  "ಇವ" "ಅವನು" "ಇವನು" "ಆತ" "ಈತ" "ಹೇಳಿದನು" "ಮಾಡಿದನು" ಎಂದೆಲ್ಲ ತೀರ ಹಗುರವಾಗಿ ಸಂಭೋಧಿಸುವುದು ಯಾವ ಕಾರಣಕ್ಕೂ ಯಾವ ಕಾಲಕ್ಕೂ ಸಲ್ಲದು.

ಅಧಿಕಾರಿಗಳು, ಗಣ್ಯರು ಮೊದಲಾದವರನ್ನು ಬಹುವಚನದಲ್ಲಿಯೇ ಸಂಬೋಧಿಸಲಾಗುತ್ತದೆ. ಧರ್ಮಗುರು ಅದಕಿಂತ ಕಡಿಮೆಯೇ? ಅವರು ಧರ್ಮಗುರು ಅಷ್ಟೇ ಅಲ್ಲ ಧರ್ಮಪಿತ-ಅಪ್ಪ-ತಂದೆ. 'ಓಂ ಶ್ರೀ ಗುರು ಬಸವಲಿಂಗಾಯ ನಮಃ' ಮಂತ್ರದಲ್ಲಿಯೆ ಬಸವಣ್ಣನವರಿಗೆ 'ಶ್ರೀ ಗುರು' ಎಂದು ಪೂಜ್ಯಭಾವದ ವಿಶೇಷಣ ಇರುವುದು ತಿಳಿದ ವಿಚಾರ.

ಸಿಖ್ಖರು ತಮ್ಮ ಧರ್ಮ ಸ್ಥಾಪಕರಾದ 'ನಾನಕ' ಅವರನ್ನು 'ಗುರು ನಾನಕ್ ದೇವ್' ಎಂದು ಪೂಜ್ಯತೆಯಿಂದ ಸಂಬೋಧಿಸುವರು. 

ಆತ್ಮೀಯತೆ ಇದ್ದ ಮಾತ್ರಕ್ಕೆ ಎಕವಚನದಲ್ಲಿ ಸಂಬೋಧಿಸುವುದು ಸರಿಯಲ್ಲ. ಆತ್ಮಿಯತೆ ಇದ್ದರೂ ಮಕ್ಕಳು ತಂದೆಯವರು ಎಂದು ಹೇಳುತ್ತಾರೆ. ಅದ್ದರಿಂದ, ಧರ್ಮಗುರು ಬಸವಣ್ಣನವರ ವ್ಯಕ್ತಿತ್ವಕ್ಕೆ ಚ್ಯುತಿ ಬರದಂತೆ "ಧರ್ಮಪಿತರು, ಧರ್ಮಗುರು ಬಸವಣ್ಣನವರು, ಗುರು ಬಸವಣ್ಣನವರು, ಬಸವಣ್ಣನವರು" ಎಂದು ಗೌರವಪೂರ್ವಕವಾಗಿ ಸಂಬೋಧಿಸಬೇಕು.

- ನುಡಿದರೆ ಮುತ್ತಿನ ಹಾರದಂತಿರಬೇಕು.



Comments

  1. Ashok KoralliJuly 26, 2024 at 8:28 PM

    ಆತ್ಮೀಯತೆಯಿಂದ ಯಾರಾದರೂ ಬಸವಣ್ಣ ನವರನ್ನು ಏಕ ವಚನ ದಿಂದ ಕರೆಯುವುದು ಕೂಡ ಸರಿಯಲ್ಲ ಎಂಬ ತಮ್ಮ ಅಭಿಪ್ರಾಯ ಅಷ್ಟೊಂದು ಸರಿ ಅಲ್ಲ. ಮಾತನಾಡುವ ಸಂದರ್ಭ ಹಾಗೂ ವಿಷಯದಿಂದ ಆತ್ಮೀಯತೆ ಹೊರಹೊಮ್ಮುತ್ತಿದ್ದರೆ ತಪ್ಪೇನಿಲ್ಲ. ಇದು ನನ್ನ ಅಭಿಪ್ರಾಯ

    ReplyDelete

Post a Comment

Popular posts from this blog

ಅರುಹಿನ ಮರಹು ಅಹಂಕಾರದ ಕುರುಹು

Image
ಅರುಹಿನ ಮರಹು ಅಹಂಕಾರದ ಕುರುಹು ವಚನ: * ಅರುಹಿನ ಮರಹಿನ ಅಪ್ಯಾಯನವ ಲಿಂಗಕ್ಕೆ ಕೊಡುವ* *ಗುರುದ್ರೋಹಿಯನೇನೆಂಬೆ ಲಿಂಗದ್ರೋಹಿಯನೇನೆಂಬೆ?* *ಕೂಡಲ ಚೆನ್ನಸಂಗಯ್ಯನಲ್ಲಿ ಅರಿವಿನ ಮರಹಿನ ಭಕ್ತಿ* *ಬಾಯಲ್ಲಿ ಹುಡಿಯ ಹೊಯ್ದು ಹೋಯಿತ್ತು.* ಗುರು ಚೆನ್ನಬಸವಣ್ಣನವರು ಈ ವಚನದಲ್ಲಿ ಅತ್ಯಂತ ಮಹತ್ವಪೂರ್ಣವಾದ ವಿಚಾರವನ್ನು ಹೇಳುತ್ತಿದ್ದಾರೆ. ವ್ಯಕ್ತಿ ತಿಳಿದುಕೊಂಡ ಜ್ಞಾನ ಅಥವಾ ಅರಿತಿರುವ ಜ್ಞಾನ ಅದು ಅರಿವಾಗಿ ಪರಿವರ್ತನೆ ಹೊಂದಬೇಕು. ಅರಿವು ಆಚಾರವಾಗಬೇಕು ಆಗ ಮಾತ್ರ ಅನುಭಾವ ಹೊರಹೊಮ್ಮುತ್ತದೆ. ಅರಿವು ಆಚಾರವಾಗದೆ ಚರಿಸುವ ವ್ಯಕ್ತಿಯ ಮಾತು ಅದು ಕೇವಲ ಮಾತಿನ ಮಥನವಾಗುತ್ತದೆಯೇ ಹೊರತು ಅನುಭಾವವಾಗುವುದಿಲ್ಲ. ಲಿಂಗಾಯತ ಧರ್ಮ ಕೇವಲ ವಿಚಾರ ಪ್ರಧಾನವಾದ ಧರ್ಮವಲ್ಲ. ಇದು ಆಚಾರ ಪ್ರಧಾನವಾದ ಧರ್ಮ. ವಿಚಾರವೆಂಬ ಹೂವು ಆಚಾರವೆಂಬ ಕಾಯಿಯಾದಾಗ ಮಾತ್ರ ಅದು ನಿಷ್ಪತ್ತಿಯ ಹಣ್ಣಾಗಿ ಮತ್ತೆ ತನ್ನ ಬೀಜಗಳನ್ನು ಬಿಟ್ಟು ಮೊಳೆತು ಸಸಿಯಾಗಿ ಮರವಾಗಿ ಮತ್ತೆ ಮತ್ತೆ ವಿಚಾರವೆಂಬ ಹೂವುಗಳಾಗುತ್ತವೆ. ಯಾವ ಧರ್ಮದ ವಿಚಾರಗಳು ಕೇವಲ ವಿಚಾರವೆಂಬ ಹೂವಾಗಿ, ಆಚಾರವೆಂಬ ಕಾಯಾಗದೇ ಹಾಗೆಯೇ ಉದುರಿ ಹೋಗುತ್ತವೆಯೋ ಆ ಧರ್ಮ ಮುಂದುವರೆಯಲಾರದು. ಲಿಂಗಾಯತ‍ ಧರ್ಮದಲ್ಲಿ ವಿಚಾರವೆಂಬ ಹೂವುಗಳನ್ನು ಆಚಾರವೆಂಬ ಕಾಯಿಯನ್ನಾಗಿ ಮಾಡಲು ಶರಣರು ತಮ್ಮ ಪ್ರಾಣವನ್ನೇ ಬಲಿದಾನ ಮಾಡಿದ್ದಾರೆ. ಸತ್ಯವನ್ನು ಪ್ರತಿಪಾದನೆ ಮತ್ತು ಆಚರಣೆ ಮಾಡುವುದು ಹೇಡಿಗಳಿಂದ, ಸಮಯ ಸಾಧಕರಿಂದ, ಅಧಿಕಾರಕ್ಕೆ...
Read more

ಹಿಂದು - ವೀರಶೈವ - ಲಿಂಗಾಯತ | Hindu Veerashaiva Lingayath

Image
ಹಿಂದು - ವೀರಶೈವ - ಲಿಂಗಾಯತ  Hindu Veerashaiva Lingayath "ನಾನು ಹಿಂದು ನಾವು ವೀರಶೈವರು" ಅನ್ನುವ ಲಿಂಗಾಯತರು  ದಯಮಾಡಿ ಇದನ್ನು ತಪ್ಪದೆ ಓದಿ. ಧರ್ಮದ ಬಗ್ಗೆ ಅಭಿಮಾನ ಇದ್ದವರು ಕಡ್ಡಾಯವಾಗಿ ಓದಿರಿ, ಪ್ರತಿ ಹತ್ತು ವರ್ಷಕೊಮ್ಮೆ ಭಾರತ ಸರಕಾರ ನಡೆಸುವ ಧರ್ಮ ಜನಗಣತಿಯಲ್ಲಿ ನಾವು ಲಿಂಗಾಯತರು "ಹಿಂದು-ಲಿಂಗಾಯತ",    "ವೀರಶೈವ-ಲಿಂಗಾಯತ", ಎಂದು ಬರೆಸುತ್ತೇವೆ ದಯಮಾಡಿ ಮೇಲಿನ ಎರಡನ್ನೂ ಬರೆಸದೆ ಕೇವಲ ಧರ್ಮದ ಕಾಲಂನಲ್ಲಿ ಲಿಂಗಾಯತ ಬರೆಸಿರಿ ಜಾತಿಯ ಕಾಲಂನಲ್ಲಿ ನಿಮ್ಮ ನಿಮ್ಮ ಜಾತಿಯನ್ನು ಬರೆಸಿರಿ, ನಾವು ಲಿಂಗಾಯತರು, ವೀರಶೈವರಲ್ಲ ಹಿಂದುಧರ್ಮದವರಲ್ಲ ಏಕೆಂದರೆ ನಾವು  ವೀರಶೈವ ಅನ್ನುತ್ತೇವೆ, ನಾನು ವೀರಶೈವ ಅನ್ನುವವರು ದಯಮಾಡಿ ನಿಮ್ಮ ಸ್ಕೂಲ್ ದಾಖಲಾತಿಯಲ್ಲಿ ಹಿಂದು-ಲಿಂಗಾಯತ ಇದೆ( ಭಾರತ ಸ್ವತಂತ್ರ ಸಿಕ್ಕ ನಂತರ 1951ನೇ ಜನಗಣತಿಯಲ್ಲಿ ಅಂದು ಹಿಂದು ಅಂದರೆ ಧರ್ಮ, ಮುಸ್ಲಿಮ್ ಅಂದರೆ ಜಾತಿ, ಸುನ್ನಿ ಅಂದರೆ ಉಪಜಾತಿ,ಹೀಗೆ ಹಿಂದು-ಜೈನ, ಹಿಂದು-ಕ್ರಿಶ್ಚಿಯನ್ನ, ಹಿಂದು-ಮುಸ್ಲಿಮ್, ಹಿಂದು-ಸಿಖ್ ಹಿಂದು-ಬೌದ್ಧ, ಹಿಂದು-ಪಾರ್ಸಿ, ಮತ್ತು ಹಿಂದು-ಲಿಂಗಾಯತ ಹೀಗೆ ಇತ್ತು ಮುಸ್ಲಿಮ್ ಕ್ರಿಶ್ಚಿಯನ್ ಜೈನ ಬೌದ್ಧ ಪಾರ್ಸಿ ಸಿಖ್ ಇವೆಲ್ಲವೂ ಧರ್ಮಗಳು ತಮ್ಮ ಧರ್ಮಕ್ಕೆ ಸ್ವತಂತ್ರ ಮಾನ್ಯತೆ ಸಿಕ್ಕ ನಂತರ ಹಿಂದು ಪದವನ್ನು ತೆಗೆದುಹಾಕಿದವು ನಾವು ಲಿಂಗಾಯತರು ಇನ್ನೂ ಅದಕ್ಕೆ ಹಿಂದು ಪದವನ್ನು ಹಿಡಿದ...
Read more

ಗುರು ಬಸವಣ್ಣನವರ ಕುರಿತು ಕುವೆಂಪು ಅವರ ನುಡಿ ಸ್ಮರಣೆ | ಆಧ್ಯಾತ್ಮ ಕ್ರಾಂತಿವೀರ ಗುರು ಬಸವೇಶ್ವರ | ಕುವೆಂಪು

Image
ಆಧ್ಯಾತ್ಮ ಕ್ರಾಂತಿವೀರ ಗುರು ಬಸವೇಶ್ವರ -  ಕುವೆಂಪು ಕಾರ್ತೀಕದ ಕತ್ತಲಲಿ ಆಕಾಶದೀಪವಾಗಿ ನೀ ಬಂದೆ, ಬಟ್ಟೆಗೆಟ್ಟವರಿಗೊಂದು ದೊಂದಿ ದಿಕ್ಕಾಗಿ, ಎಂಟು ಶತಮಾನಗಳ ಹಿಂದೆ, ಅಗ್ನಿ ಖಡ್ಗವನಾಂತ ಓ ಆಧ್ಯಾತ್ಮ ಕ್ರಾಂತಿವೀರ, ದೇವದಯೆಯೊಂದು ಹೇ ಧೀರಾವತಾರ, ಶ್ರೀ ಬಸವೇಶ್ವರಾ! ಜಾತಿ ಪದ್ಧತಿಯ ಹೋಮ ಕೂಪಕ್ಕೆ ಬಿದ್ದು, ವೈದಿಕರ ಯಜ್ಞತಾಪಕ್ಕೆ ಬಲಿವೋದ ದಲಿತ ಜೀವರನೆತ್ತಿ ಮತಿ ವಿಚಾರಕ್ಕೆ, ಕಾಯಕದ ದಿವ್ಯತತ್ವದ ಸುಕ್ಷೇಮ ಧರ್ಮನಾಕಕ್ಕೆ ನಡೆಸಿದ ಮಹಾತ್ಮನೆ, ನಿನಗೆ ನಮೋ ನಮ:! ಇಂದಿಗೂ ನಾವು ನಿನ್ನೆತ್ತರಕೆ ಏಳಲಾರದೆ ಅಯ್ಯೊ ಮತದ ಉಸುಬಿಗೆ ಸಿಲುಕಿ ತತ್ತರಿಸುತಿಹೆವಯ್ಯ! ಬಾರಯ್ಯ, ಕೈ ಹಿಡಿದೆತ್ತಿ ಬದುಕಿಸು ನಮ್ಮನೆಳೆದು ವರ್ಣಾಶ್ರಮದ ಹೆಸರ ಹೊಲೆಗೆಸರ ವಂಚನೆಯ ಕುಂಡದಿಂದೆ; ಭಕ್ತಿಗಂಗೆಯನೆರೆದು ಭಾಗವತ ಶಕ್ತಿಯಂ ಕರೆದು ಮತ ಮೌಢ್ಯದಜ್ಞಾನ ಪಂಕವನು ತೊಳೆದು ಶುಚಿಗೊಳಿಸು ವಿಜ್ಞಾನ ವೇದಾಂತ ತೀರ್ಥದಿಂದೆ! ಗುರು ಬಸವಣ್ಣನವರ ಕುರಿತು ಕುವೆಂಪು ಅವರ ನುಡಿ ಸ್ಮರಣೆ ಬಸವಣ್ಣನವರು ಕಂಡ ಆಧ್ಯಾತ್ಮಿಕ ಸತ್ಯಗಳ, ಜೀವನಾನುಭವ ಹಾಗೂ ತಾತ್ವಿಕ ವಿಚಾರಗಳ ಅಭಿವ್ಯಕ್ತಿಗೆ ವಚನಗಳು ಮಾಧ್ಯಮವಾದುವೇ ಹೊರತು, ವಚನರಚನೆಯೇ ಅವರ ಜೀವನದ ಪ್ರಧಾನೋದ್ದೇಶವಾಗಿರಲಿಲ್ಲ. ಅವರು ಸೂಕ್ಷ್ಮ ಸಂವೇದನಾಶೀಲರಾದ್ದರಿಂದ, ಅವರ ಅಂತರ್ದೃಷ್ಟಿ ಬಹಿರ್ದೃಷ್ಟಿಗಳೆರಡೂ ಪ್ರಖರವಾಗಿದ್ದುದರಿಂದ ಅವರ ವಚನಗಳಲ್ಲಿ ಸಾಹಿತ್ಯಾಂಶಗಳು ಮೇಲಿಂದ ಮೇಲೆ ಮೈದೋರುತ್ತವೆ. ಹೃದಯದಿಂದ ನೇರವಾಗಿ ಹೊ...
Read more