ಗುರು ಬಸವಣ್ಣನವರು ಇಷ್ಟಲಿಂಗವನ್ನು ಆವಿಷ್ಕರಿಸಿದರು ಹಾಗು ಅವರಿಗೆ ದೀಕ್ಷಾಗುರು ಇಲ್ಲ
ಗುರು ಬಸವಣ್ಣನವರು ಇಷ್ಟಲಿಂಗವನ್ನು ಆವಿಷ್ಕರಿಸಿದರು ಹಾಗು ಅವರಿಗೆ ದೀಕ್ಷಾಗುರು ಇಲ್ಲ ಬಸವಣ್ಣ ತನಗೆ ತಾನೇ ಗುರು 1. ‘ಲಿಂಗವೂ ಬಸವಣ್ಣನ ಉದರದಲ್ಲಿ ಹುಟ್ಟಿತ್ತು’ - ಚೆನ್ನಬಸವಣ್ಣ 2. ‘ಬಸವಣ್ಣ ಮಾಡಲಿಕ್ಕೆ ಗುರುವಾಯಿತ್ತು ಬಸವಣ್ಣ ಮಾಡಲಿಕ್ಕೆ ಲಿಂಗವಾಯಿತ್ತು ಬಸವಣ್ಣ ಮಾಡಲಿಕ್ಕೆ ಜಂಗಮವಾಯಿತ್ತು’ - ಮಡಿವಾಳ ಮಾಚಿದೇವರು 3. ‘ಆದಿಯಲ್ಲಿ ನೀನೆ ಗುರುವಾದ ಕಾರಣ ನಿನ್ನಿಂದ ಹುಟ್ಟಿತ್ತು ಲಿಂಗ’ - ಅಲ್ಲಮಪ್ರಭುದೇವರು 4. ‘ವೃಷಭರಾಜಂ ಪತಿಯನುಜ್ಞೆಯೊಡನೆ ಬಸವಣ್ಣನ ಹಸ್ತದೊಳು ಸಂಗಮೇಶ್ವರ ಲಿಂಗಮಂ ಭೋಂಕನೆ ಬಿಜಯಂಗೈಸಿ’ - ಬಸವರಾಜದೇವರ ರಗಳೆ, ಹರಿಹರ (ಹರಿಹರ ಬಸವಣ್ಣನವರನ್ನು ವೃಷಭನ ಅವತಾರ ಎಂದು ಚಿತ್ರಿಸಿರುವುದನ್ನು ಈ ಸಂದರ್ಭದಲ್ಲಿ ಗಮನಿಸಿ, ವೃಷಭನ ಬಾಯಿಂದ ಬಸವಣ್ಣನವರ ಕರಸ್ಥಲಕ್ಕೆ ಲಿಂಗ ಬಂದಿತು ಎಂಬುದರ ಅರ್ಥ ಸ್ಪಷ್ಟವಾಗುತ್ತದೆ.) 5. ‘ಆ ತನಯನೊಳಗಿಹ ಶಿವಂ ಗುರ್ವಾಕಾರಮಂ ತಾಳ್ದಾತನಂಗದ ಮೇಲೆ ಲಿಂಗಸಂಗವಂ ಮಾಡಿ’ - ಬಸವ ಪುರಾಣ, ಭೀಮಕವಿ. (ಮಗುವಿನ ಒಳಗಿರುವ ಶಿವನೇ ಗುರುರೂಪ ಧರಿಸಿ ಬಸವಣ್ಣನವರಿಗೆ ಲಿಂಗವನ್ನು ನೀಡಿದನೆಂದು ಚಿತ್ರಿಸಿರುವ ಈ ಸಂಗತಿಯೂ ಕೂಡಾ ಬಸವಣ್ಣನವರಿಗೆ ಲಿಂಗದೀಕ್ಷೆ ನೀಡಿದ ಗುರುವಿಲ್ಲ. ಬಸವಣ್ಣ ತನಗೆ ತಾನೇ ಗುರು ಎಂದು ಅರಿವಿಗೆ ಬರುತ್ತದೆ.) ಮೇಲಿನ ಐದು ಉಲ್ಲೇಖಗಳನ್ನು ಗಮನಿಸಿದರೆ, ಬಸವಣ್ಣನವರು ಇಷ್ಟಲಿಂಗವನ್ನು ಆವಿಷ್ಕರಿಸಿದರು ಹಾಗು ಅವರಿಗೆ ದೀಕ್ಷಾಗುರು ಇಲ್ಲ ಎಂಬ ಸಂಗತಿ ನಮಗೆ ಅರಿವಿಗೆ ಬರ...